Morgontur

Etter å ha levert eldsteguten på grunnkurs, tok eg meg ein tur sjølv utpå.

Her eit "eks- naust":

Litt naturleg kunst:

Litt sjølvutløysar- bilete:

På veg innover padla eg bortom grunnkurset. Dei var i gong med sidevegs forflytning. Fleire bilete frå grunnkurset ligg her.

Isak (til venstre)slit med å vere normal på bilete for tida:

Rulling med fullasta Atlantic

Her er ein video med rull/ scull med fullasta kajakk. Difor stoppar den litt opp undervegs. Elles er det ein ganske lettrulla kajakk!

Planking...

Det måtte prøves:

Overnattingstur med Oskar

Om kvelden første pinsedag,  fann Oskar og eg ut at vi skulle ta ein padletur med overnatting. Veret var nydeleg og det var omtrent vindstille.

Her er vi ved den nedlagde hermetikkfabrikken, der det snart skal kome leiligheiter. Oskar padla Marlinen på turen:

Eg testa korleis NS Atlantic var på tur med opp- pakning:

Her gjennom Granesundet på veg nordover:

Oskar tek seg ein pause:

Vi fekk med oss ein fantastisk solnedgong då vi kom forbi fyret på Eimind:

Slike ting er best å oppleve saman med andre..

Her er vi komen fram til leirstaden, litt forbi Eimind:

Sjølv om klokka var blitt tolv på natta, måtte vi lage oss litt mat:

Litt kos før vi kraup inn i soveposane:

Første prøvetur med North Shore Atlantic

I kveld var eg ein tur ute for å prøve North Shore Atlantic. Dette er ein kajakk eg har fått låne av Yst Ute i ein månad. Eg skal skrive ein test av denne til bladet Padling.. Eg skal prøve å få testa den i dei fleste situasjonar ein havkajakk kan kome ut for: langturar, dagsturar, bølgjeleik, redningar og diverse teknikkøvingar.

I dag vart det berre ein kort tur rundt Flatøyna. Litt rulling vart det også tid til.

Her er ein av dei mange seglbåtane som går med motor OG segl..

Her ei lita pause på Flatøyna.

Dagens politiske kommentar:


På bilete over har det vore snauhogst for å få fuglar til å byggje reir. Det er ein av dei MANGE fuglereservata rundt her. Er det ein stad det er heilt sikkert at det ikkje finns fugl, så er det her..

Tjeld, måsar, ender og gjess spankulerar i sentrum der det er bilar og folk. Ein av dei plassane det er mest måser i nærområda er i barnehagen. Det har til og med hendt at dei har lagd egg i beda i barnehagen! Fugl og folk har levd saman i mange hundre år. Likevel meiner byråkratar at det er fornuftig å frede omtrent alle øyane rundt. Dvs minst 50 meter i frå øyane. Eg har ingenting imot å ta vare på fuglane. Men dette meiner eg vi kan klare ved å ta hensyn og å utøve sporlaus ferdsel. Eg meiner at reservata må revurderast når ein ser at verknaden ikkje vert slik en ynskjer.

Oversikt over reservata i Askvoll:

Det er mykje sprenglærd toskeskap og folkeleg visdom i verda!
Eg vil avslutte med eit dikt som omhandlar litt  av dette:

Når det kjem til stykket

År ut og år inn har du site bøygd yver bøkene,
du har samla deg meir kunnskap
enn du treng til ni liv.
Når det kjem til stykket, er det
so lite som skal til, og det vesle
har hjarta alltid visst.
I Egypt hadde guden for lærdom
hovud som ei ape.

(Olav H. Hauge)